Karachi: Shaher e quaid kay mukhtalif elaqon main police nay karvaiyan kartay huvay 6 mulziman ko giraftar kiya aur asleha bhi baramad krliya.
Tafseelat kay mutabiq karachi kay elaqay gulberg, orangi town aur gulshan e iqbal main police nay karvaiyan ki jis kay bais 6 mulziman ki giraftari amal main aayi aur qabzay say asleha bhi baramad huva.
Karachi kay elaqay orangi town main police nay doraan e ghast karvai ki, police ko dekhte hi mulziman nay firing kardi jabkay havai firing kay bad 3 mulziman zakhmi halat main giraftar huvay.
SSP west dr rizwan ka kehna hai kay muqablay kay bad giraftar honay valay mulziman say 3 pistols aur bullets bar amad huien.
